Көктем сұлу керемет
Гүлдері де меруерт
Қарсаламын сені мен
Бар ниетті көңілмен.

Сен жасылсың жайқалған
Самалдан гүлдерім шайқалған
Тамсанамын күлімдеп
Міне ашылды гүлім деп.
Көктем ғажап керемет
Сен үшін менен сәлем-құрмет.

Көктемнің әсем гүлдері
Ғажап ертек әлемі.
Көктем әсем жасыл тән
Жасыл шөпке боялған.
Жаңбыр жауса жабылады гүл,
Күн сәулесі ашса, басталады жасыл өмір.

ЖАНЕРКЕ Зиябекова
ОҚО Шымкент қаласы, №2 Төле би балалар үйі, «Заряд +» газетінің тілшісі

Сансыз көктен сұңқылдап,
Көктем келді ертелеп.
Нәзік үнмен сыңқылдап,
Бұйра бұлақ еркелеп.

Көктем бұлттар күркіреп
Жерге төкті өрнегін.
Жауды жаңбыр сіркіреп,
Мейірленіп жерге күн.

Көктем күйін бастады
Өз өнерін асыра.
Қысты қуып тастады
Асқар таудың басына.

ТҰРСЫНАЙ Данабекова
ОҚО Шымкент қаласы, №2 Төле би балалар үйі, «Заряд +» газетінің тілшісі

Жай ғана желге шайқалатын,
Көктем келгенде жайналатын.
Керемет иіспен жайылатын,
Гүл ғой, «Раушан» деп аталатын.

Гүлдер-ай, гүлдер-ай, гүлсіңдер
Керемет әсем гүлдер сенсіңдер.
Гүлдер-ай, тербелген күн шуағысыңдар,
Әлемнің сұлуы сенсіңдер.

Мен қарап сүйсінемін гүлдерге
Ойланып таң қалам кей кезде.
Өйткені керемет, сенсіңдер
Жер бетін жайнатып жүрсіңдер.

ЖАНЕРКЕ Зиябекова
ОҚО Шымкент қаласы, №2 Төле би балалар үйі, «Заряд +» газетінің тілшісі

Қызығамын жазиралы қырларыңа,
Тоймаймын мен өзіңе қарайлана.
Жаныңды жадыратып шөл болатын,
Не жетер мөлдір бұлақ суларына.

Келбетін Бірінші Мамырдың көркемдеген
Адамдар көп платинасын көрем деген.
Сол үшін сүйемін мен бұл ауылды,
Және көркем берген табиғатты.

ЖАНЕРКЕ Зиябекова
ОҚО Шымкент қаласы, №2 Төле би балалар үйі, «Заряд +» газетінің тілшісі